SABELA NA VILA

Bos días musicones!!!! chegando xa ao final de curso, rematamos con Sabela na vila. Xogamos a adiviñar os sons que rodean a Sabela pola rúa, parque e de camiño á súa casa e ao seu cole.
Así escoitamos moitos medios de transporte que fan moitísimos sons deiferentes. E despois xogamos do seguinte xeito:
Son das cunchas, é moi similar ao son dunha moto:

Son do triángulo, é o timbre dunha bicicleta:

Son agudo de flauta de émbolo, é un tren:

Son grave de flauta de émbolo, é un barco:

Música de fondo "La bicicleta" acompañando cos instrumentos anteriores danzando ao ritmo e facendo os  medios de transporte que manden os sons. Necesitamos estar en total silencio para realizar este xogo, para saber que temos que facer.

Logo xogamos ao tren tolo:

A ritmo de pandeiro vai o tren, pode ser rápido ou lento, pero... moi atentos a un golpe forte de pandeiro, porque o tren debe pasar por debaixo dun túnel. Outro golpe máis, é que saímos del. Se non escoitamos o pandeiro, o tren debe parar.
Foi moi divertido, xa que todos puidemos ser maquinistas e tocar o pandeiro para que o tren obedeza a nosa orde!!!